Ồng Lê Minh Ngân, Thứ trưởng Ƀộ Tài nguyên mờ Môi trường neh yal tơn ală bơta pa tàm Adăt Ù tiah nam 2024. Jăt ồng Lê Minh Ngân đơs, Adăt Ù tiah nam 2024 là adăt kwơ màng ngan, gơrềng tus tơn broă bơtàu tơnguh lơh sa mpồl bơtiàn tàm ală tiah dê.

Den tàng, lơh jăt jơnau đơng lam bơh Cíñ phủ, Ƀộ Tài nguyên mờ Môi trường neh mờ gam lơh ală Nghị định, ai geh jơnau bơto sồr lơh jăt adăt mờ jơnau kờñ gờñ ngui Adăt Ù tiah nam 2024 tàm ngai 01 nhai 07 nam 2024. Adăt Ù tiah nam 2024 geh sền gròi ngan tus mờ cau geh sră dong kờl bơh mpồl bơtiàn dê, cau lơh sa suơn sre tơn, bal mờ ală broă lơh jăt broă tơm ntrờn, dong kờl lơh ƀòn ơm kis pa mờ toh wơl ù, gàr niam broă lơh cau geh ù gơtìp toh wơl geh tơm ntrờn, lơh ƀòn ơm kis pa lài mờ tŭ toh wơl ù.