Tàm nùs nhơm ngoh rơngăc, kwang đơng lam càr Gia Lai, ală gah, mpồl lơh broă bal mờ ală mpồl lơh broă, ală làng bol, mpồl ling càr Gia Lai, mpồl ling klàng lơgar Campuchia neh rò ală ƀồc ntìng cau ling chơ̆t màng rê tơ̆p tàm ƀlàng tơ̆p ƀồc.

Mò Keo Sa Vuoen, Phó Kwang atbồ càr, Kwang atbồ Mpồl lơh broă càr Stung Treng, ala măt mpồl lơh broă 3 càr Rattanakiri, Preh Vihear mờ Stung Treng pà git, đah lơgar Campuchia geh pơn jăt tai pơgồp bal mờ lơh broă bal mờ Mpồl lơh broă gah broă do mờ Mpồl K52 lơgar Việt Nam tàm broă jòi rồ, tơrgùm ƀồc cau ling chơ̆t màng tàm ală nam pơn jăt tai, mờ sền do là broă lơh nàng ưn ngài rài lài do, bơ̆t bơtàu bơta git gơ̆p lơh broă bal, lơh bơyô bal đah lơgar Campuchia mờ lơgar Việt Nam dê.