Broă ai gơnoar ngui 3 bơta sơnơm vaccine do gơ ơm tàm jơnau lơh nền bơh Ƀộ Y tế dê, Mpồl duh broă ai gơnoar kung neh sền swì, kơlôi sơnơng bè bơta lơngăp lơngai mờ bơta ƀă tàm bơh ală bơta sơnơm vaccine do dê lài mờ tŭ geh ai ngui tàm lơgar Việt Nam. Do là ală bơta sơnơm vaccine neh geh ngui tàm uă lơgar tàm dunia.

Ƀák sĩ mò Bạch Thị Chính, Kwang atbồ Y Khoa ală Mpồl cit sơnơm vaccine VNVC pà git, gam lơh ngan nàng gờñ ai ală bơta sơnơm vaccine rài pa do drơng làng bol Việt Nam in. Sơnơm vaccine rơcang lài kơryan kòp sốt xuất huyết bơh gah lơh sơnơm Takeda, lơgar Nhờk lơh gơlik. Sơnơm vaccine Shingrix rơcang lài kơryan kòp zona tơngoh bơh gah lơh sơnơm GSK, lơgar Bỉ lơh gơlik. Sơnơm vaccine Pneumovax 23, rơcang lài kơryan kòp klờm soh bơh gah lơh sơnơm MSD, lơgar Mỹ lơh gơlik.