Do là cau chơ̆t dơ̆ 4 tài bơh kòp jơng tê bơr tàm ù tiah càr dê kờp bơh bồ nam tus tŭ do. Cau kòp deh nam 2021, ơm tàm xã Ia Lốp, kơnhoàl Ea Súp, càr Dăk Lăk. Jăt hìu bơnhă cau kòp dê yal, ngai 11/11, oh geh bơta gơ tơngŏ duh să uă sùm, bĭc nrơ̆t să uă, gơlik toh dà tàm dơlam mpàng jơng, sồt bơr. Hìu bơnhă jun oh lòt kham mờ ai hìu sơnơm jăt sră ƀak sĩ dê ai. Ngai 12/11, oh geh tềl tơngŏ gơbàn kơn jơ̆ uă den tàng cau hìu bơnhă jun lòt kham mờ mŭt piam kòp tàm Hìu sơnơm kơnhoàl Ea Súp.
Kung tàm ngai hơ̆ sơl, oh geh jun tus hờ Hìu sơnơm dờng tiah Tây Nguyên. Tàm do, oh geh kham kòp mờ pà gĭt oh gơtìp kòp jơng tê bơr mờ ờ pràn tă nhơm kơn jơ̆ khà IV, ƀơ̆ mhàm, gơlik mhàm tàm gùng lơh lề phan sa mờ as gơ prồ klờm soh mhar kơn jơ̆. Tus drim ngai 13/11, oh chơ̆t.
Viết bình luận