Tàm dơ̆ wă rò, Phó Thủ tướng ồng Trần Hồng Hà đơs loh, Cíñ phủ mờ làng bol Việt Nam jờng rơ ngan gơnoar broă bơh WHO dê tàm ală broă lơh đơng lam pơgồp bal, tàm tơrbŏ bal gùt plai ù bè gah lơh sơnơm, sền gàr pràn kơldang să jan làng bol in. Tàm jơh ală gah broă, broă lơh dong kờl bè lơh sơnơm, sền gàr pràn kơldang să jan tàm Việt Nam ndrờm geh bơta lòt bal, tus bal, bơto pơlam, dong kờl bơh kwang bàng, cau jak chài gah broă lơh WHO dê.

Đơs wih đơs wơl gơnoar broă kwơmàng bơh ală gah lơh sơnơm rơcăng gàr lài dê, lơh sơnơm ƀòn lơgar dê tàm sền gàr pràn kơldang să jan bơh sơnrờp, rơcăng lài, kơryan kòp bơtờp bơh gờñ, bơh ngài, Phó Thủ tướng ồng Trần Hồng Hà đơs loh, Việt Nam kơ̆p kờñ WHO dong kờl rơndăp wơl mờ lơh pràn kơldang ală gah lơh sơnơm do; gĭt nền loh jơnau sồr, kơnòl broă, bơta pràn, cau lam lơh.