Lài mờ tŭ Pơrjum, Ƀộ Cíñ trị yal mờ Ƀan Cấp hàñ Đảng Dà lơgar bè broă Ƀộ Cíñ trị neh lơh nền jàu Đại tướng ồng Lương Cường, Kwang bàng Ƀộ Cíñ trị, Ătbồ Tổng Kụk Cíñ trị Ling klàng làng bol Việt Nam mŭt tàm Ƀan Ƀí thư mờ ăt gơnoar broă Duh broă sùm Ƀan Ƀí thư; Ồng Lê Minh Hưng, Ƀí thư Đảng Dà lơgar, Kwang ătbồ Cơldŭ lơh broă Đảng Dà lơgar ăt gơnoar broă Kwang ătbồ Mpồl Rơndăp broă Dà lơgar, Kwang ătbồ Cơldŭ lơh broă Đảng Dà lơgar. Pơn jăt hơ̆, Dà lơgar ai jơnau đơs bè broă kwang bàng mờ sền swì, lơh glài kwang bàng. Ƀùi mho, Ƀan Cấp hàñ Đảng Dà lơgar lơh broă tàm mpồl cribơyai bè Tơngume nền cê Jơnau yal cíñ trị bơh Ƀan Cấp hàñ Đảng Dà lơgar khoă XIII dê tàm Pơrjum dờng cau ala măt gùt lơgar dơ̆ XIV bơh Đảng dê, Tơngume nền cê Jơnau yal 05 nam lơh jăt Broă rơndăp lơh bơtàu tơngguh lơh sa- mpồl bơtiàn 10 nam (bơh nam 2021- 2030), Broă rơndăp lơh bơtàu tơngguh lơh sa- mpồl bơtiàn 05 nam, tơngai bơh nam 2026- 2030.

Kung tàm dơ̆ sơnđờm mut pơrjum dơ̆ 9 Ƀan Cấp hàñ Đảng Dà lơgar khoă XIII ngai 16/05, Ƀan Cấp hàñ Đảng Dà lơgar neh pồ bơtơl 4 nă Kwang bàng Ƀộ Cíñ trị khoă XIII. Jat hơ̆, Dà lơgar neh pồ bơtơl 4 nă kwang bàng Ƀộ Cíñ trị khoă XIII, geh: ồng Lê Minh Hưng, Ƀí thư Đảng Dà lơgar, Kwang atbồ Mpồl rơndăp broă Dà lơgar, Chánh Văn phòng Đảng Dà lơgar; ồng Nguyễn Trọng Nghĩa, Ƀí thư Đảng Dà lơgar, Kwang atbồ Ƀan Tuyên giáo Dà lơgar; mò Bùi Thị Minh Hoài, Ƀí thư Đảng Dà lơgar, Kwang atbồ Mpồl hòi jà làng bol Dà lơgar; ồng Đỗ Văn Chiến, Ƀí thư Đảng Dà lơgar, Ƀí thư Đảng đoàn, Củ tịc Ủy ƀan Mặt trận Dà lơgar Việt Nam.