Ală nam do, broă bơsram mờ lơh jat bồ tơngoh, nùs nhơm, rài kis Hồ Chí Minh neh gơ gơs broă lơh sùm, lơh jat is tàm broă lơh bơh ală kâp, ală gah broă lơh, anih lơh broă, mpồl lơh broă dê. Bơh hơ̆, dong lơh sa – mpồl bơtiàn tàm càr mhar bơtàu tơnguh wơl tơnơ̆ kòp Kovid-19. Broă lơh bơt bơtàu, lơh niam wơl Đảng mờ anih lơh broă cíñ trị geh sơlơ tơnguh. Bal mờ hơ̆, càr sền gròi tus lơh niam wơl sră pơ àr gơnoar atbồ, tơnguh kơnòl tàm broă lơh kơnòl broă dà lơgar, jơh nùs tam gơl pa broă lơh atbồ, tơnguh cồng nha lơh broă bơh mpồl kwang bàng lơh broă sră pơ àr gơnoar atbồ ală kâp. Neh geh git nđờ rbô broă lơh niam, geh cồng nha, bơceh lơh tàm ală gah. Tàm pơrjum, Ủy ƀan Ñân zân càr Gia Lai neh pà ƀằng khen 21 mpồl bal mờ 29 nă cau dùl nă să geh pơn rơ jak tàm broă bơsram mờ lơh jat bồ tơngoh, nùs nhơm, rài kis Hồ Chí Minh.