Geh bơyai lơh bơh tŭ do tus jơh ngai 26/05, dơ̆ ràng tơlik ràng tơlik 80 rùp hin prap lời wơl bè rài kis mờ broă lơh bơh Củ tịc Hồ Chí Minh dê, ngui bơh rùp hin bơh ală Kụk Wăc sềr rùp, Cùp rùp mờ Ràng tơlik, Kụk Văn hoá cơ sở (Ƀộ Văn hoá, Thể thao mờ Zu lịc) mờ Ƀảo tàng càr Dăk Lăk dê.

Tàm ală rùp do, geh ală rùp hin bơh tŭ Wa Hồ lòt do ne jòi gùng tơngklàs Dà lơgar tàm nam 1911, tus bal srơh tam lơh tơngklàs ală jơi bơtiàn ai wơl kơnhoàl ù tiah tus di tŭ Wa Hồ tơlik mat geh Đảng Kộng sản Việt Nam mờ đơng lam làng bol lơh dơ̆ ntào tam lơh jơh gùt lơgar lơh geh pha lin, crơng gơs Dà lơgar Việt Nam Zân củ Kộng hoà. Rùp hin Wa Hồ dê đơng lam tơn broă lơh bơt bơtàu mờ sền gàr Dà lơgar làng bol lơh tờm tŭ gam kơnòm să, lơh dơ̆ tam lơh jŏ jòng dră wơl mờ bol sò tơm lơh geh pha lin tàm tơngai bơh nam 1946 – 1954.