Ală broă lơh chờ ñŏ nhơl tàm dơ̆ lơh yàng geh tơrmù ƀà, lời priă jền dong kờl làng bol bơsong jơnau gơlời wơl tài bơh trồ tiah lơh aniai. Lơh yàng Nhai hàm là dồ broă lơh yàng niam chài ờs mờng bơh yau geh lơh tàm dơ̆ Trung thu pah nam tàm Hìu duh khuai cau geh dà kơlhề mờ dà lơgar Lạc Giao, tiah duh khuai ồng Đào Duy Từ, Cau bơh sơnrờp dà lơgar dê lam bồ lòt rồ ù tiah mờ ală cau rài lài do neh geh dà kơlhề tơnggơs ƀòn Lạc Giao, ƀòn bơh sơnrờp bơh cau Yoan dê tàm kơnhoàl ù tiah Dăk Lăk. Lơh yàng geh lơh niam ki ngàm ngan bơh mpồl cau klau ơn pơdơng phan duh khuai là ală cau dờng sơnam, ală cau geh bơngă pin dờn, mờng chài tàm ƀòn dê lơh.
Lơh yàng Nhai hàm là broă lơh kah ưn ngài trồ tiah, kah ưn ngài ală yàng ù tiah ƀòn lơgar, ală cau rài lài do neh ai lơngai ai mìu càl niam, dà lơgar ring lơngai làng bol lơngăp lơngai, lơh sa ƀươn ƀoài, phan tam geh tơnhàu uă. Tàm jơnau răc dan lơh yàng nam do geh dồ jơnau răc dan ai mìu càl rbŭt dờng dà kŏ dà cò mhar jơh, làng bol gờñ wơl rê wơl mờ rài kis bè ờs.
Viết bình luận