Ƀộ trưởng ồng Tô Lâm đơs niam broă lơh bal pràn kơl dang bơh Đại sứ quán lơgar Thụy Sĩ tàm lơgar Việt Nam mờ bơh să tờm ồng Đại sứ Thomas Gass dê, neh pơgồp bal kwơ màng tàm broă lơh pràn bơta git gơ̆p đah bàr lơgar Việt Nam mờ Thụy Sĩ.

Nàng lơh pràn bơta git gơ̆p lơh broă bal đah Ƀộ Kwang àng lơgar Việt Nam mờ ală anih lơh broă lơh jăt adăt boh lam lơgar Thụy Sĩ dê, Ƀộ trưởng ồng Tô Lâm sồr, tàm tơngai tus, bàr gah tơnguh broă tàm pơgơl mpồl kwang bàng ală kấp; gờñ hòi jà broă cri bơyai ală jơnau hơ bal đah bàr lơgar dê bè pơlam mờ jào cau gơtìp kŭp jàm; lơh geh gùng dà broă lơh broă bal đah bàr lơgar tàm gah bơta lơngăp lơngai, sền gàr, tam dră cau tìs. Tơnguh broă tàm pơgơl broă mờng chài lơh jăt adăt boh lam, yal cau tìs, pơgồp bal tam dră, kơrian ală bơta tìs gan dà lơgar gơrềng bal tus đah bàr lơgar dê.