VOV4.K’Ho- Drim ngai 07/4, tàm ƀòn dờng Kon Tum, Mpồl sồr lơh pà mhàm is càr Kon Tum bơyai lơh dơ̆ Lam lơh Ngai jơh gùt làng bol pà mhàm is 07/04 mờ tơngume “Pà is ntờc mhàm kwơ- dờp wơl bơta kis”.

VOV4.K’Ho- Mìng kờp is bơh nam 2022 tus tŭ do, mpồl lơh broă mpồl bơtiàn gơwèt Cơl dŭ lơh broă sền gàr cau kòp tàm Hìu sơnơm dờng tiah Tây Nguyên neh hòi jà geh rơlao 1 tơmàn 500 tơlăk đong mờ mờr 1 rơbô pò phan nàng dong kờl ai ală cau kòp rơƀah ờ bơtoah gơtìp kòp jroă in.

VOV4.K’Ho- Drim ngai 28/03, Sở Y tế càr Dăk Lăk bơyai lơh pơrjum lam lơh broă lơh rcang sơndră kòp tàm bơtờp nam 2023.

VOV4.K’Ho- Ồng Nguyễn Đại Phong, Kwang atbồ Hìu sơnơm dờng tiah Tây Nguyên, tàm càr Dăk Lăk pà git, tus tŭ do, Hìu sơnơm kung gam ờ hềt gơtùi lơh jăt broă blơi sơnơm mờ phan lơh broă, phan lơh sơnơm di jăt Nghị quyết sồ 30 mờ Nghị Định sồ 07 tài kung gam kal ke uă bơta gơrềng tus mờ adăt sră rơwah cau blơi.

VOV4.K'Ho - Nàng dong làng bol ală tiah kal ke tàm broă kham sơm kòp, Ủy ƀan Ñân zân càr Gia Lai neh tơlik Nghị quyết dong kờl blơi ƀảo hiểm y tế ai 2, 3 nă cau geh rài kis kal ke, làng bol jơi bơtiàn dùl êt nă cau tàm càr in tơngai bơh nam 2023 tus nam 2025 mờ sơlơ tơnguh mblàng yal, tơnguh jơnau git wă bè broă lơh dong kờl ƀảo hiểm y tế.

VOV4.K'Ho- Rềp ndo, Hìu sơnơm Kơnòm dềt càr Gia Lai geh bơh 300 tus 400 nă kơnòm dềt tus kham kòp pah ngai, gơrềng tus ală kòp gùng tă nhơm.

VOV4.K’Ho- Bŭ lah priă dong kờl mìng 500 rơbô đong pah nhai, mơya mờ nùs nhơm gơboh kờñ, geh kơnòl mờ đềt mềr, ală kwang bàng lơh sơnơm ƀòn pah ngai lơh ngan lơh niam broă sền gàr bơta pràn kơl dang să jan làng bol tàm ală ƀòn tiah kơh bơnơm. Jơnau ngai do geh yal bè ală broă pơgồp bal bơh mpồl cau lơh sơnơm ƀòn tàm càr tiah kơh bơnơm Bắc Kạn.

VOV4.K'Ho - 22 nam do, geh dùl nă ƀák sỹ tŭ do neh 80 sơnam kung gam jơh nùs ngai pah ngai bơto bơtê akhar cih, kơlôi rơcang tơl dơ̆ sàu sa, pràn kơldang să jan ai ală kơnòm dềt ờ niam bồ tơngoh in. Hơ̆ là ƀák sỹ Đỗ Thúy Nga, Kwang atbồ Anih tờm Hy Vọng, cau neh lòt bal mờ mờr 400 nă kơnòm dềt ờ niam bồ tơngoh tàm ală nam do.

VOV4.K’Ho- Bơh bồ nam nam tus tŭ do, càr Dăk Lăk neh gŏ geh uă kơnòm dềt gơtờp kòp thuỷ đậu, do là dùl bơta kòp gơtờp, ƀuơn ngan gơtờp. Tàm hơ̆ uă ngan tàm nggùl nhai bàr lài do, gơlik geh tiah kòp tàm xã Ea Kao (ƀòn dờng Buôn Ma Thuột) mờ xã Nam Ka (kơnhoàl Lăk) lơh uă cau gơtìp kòp.

VOV4.K'Ho - Drim ngai 02/3, Ƀộ Y tế, Mpồl cau ùr geh bồ tơngoh bơsram sră Việt Nam mờ Kông đoàn Y tế Việt Nam pơgồp bal bơyai lơh jờng rơ cau ùr geh bồ tơngoh bơsram sră pơn rơ jak gah lơh sơnơm. Phó Thủ tướng ồng Trần Hồng Hà neh tus bal mờ đơs tàm dơ̆ bơyai lơh.