Cau gơtìp chơ̆t pa ngan geh gŏ tàm kơnhoàl Đăk Đoa. Mùl màl, cau gơtìp chơ̆t là oh Thái (Deh nam 2019, kis tàm ƀòn Bok Rei, xã Dăk Sơ Mei, kơnhoàl Dăk Đoa). Jăt jơnau yal bơh cau tàm hìu oh dê, tàm nggùl nhai 9 nam 2023, oh Thái gơtìp so tàm hìu kăp.

Tơnơ̆ mờ hơ̆ so do dô git tàm tiah lơi mờ tus tŭ do kung ờ hềt git gam kis ha là neh chơ̆t. Tus ngai 24 nhai 10, oh Thái geh tơngŏ duh să, nùs nhơm ờ niam, jê tàm gùt să. Tus drim ngai 26 nhai 10, oh Thái geh cèng tus Hìu sơnơm kơnhoàl Đăk Đoa hơ̆ sồng cèng guh tus Hìu sơnơm kơnòm dềt càr Gia Lai nàng sơm kòp. Tus tàm tŭ 10 jơ 30 phút drim dùl ngai bal den gơtìp chơ̆t. Tŭ do, Hìu sơnơm kơnhoàl Dăk Đoa neh wàng se, kơrian tiah gơtờp kòp sơnrang di jăt mờ kơrnoăt geh ai; mờ mblàng yal nàng làng bol in git bè broă rơcang tus ală hìu sơnơm nàng geh pơlam ha là cit sơnơm vaccine tơnơ̆ mờ tŭ gơtìp mèo, so sơnrang kăp…