Kòp gam geh tơngŏ gơtờp mhar, tàm hơ̆ uă ngan là tàm ală hìu bơsram kấp 1 mờ kấp 2. Tŭ do, ală hìu bơsram tàm càr Gai Lai gam tơrgùm yal mblàng ai kơnòm bơsram bal mờ cau mè bèp in bè broă rơcang sơndră mờ kòp do.

Thạc sĩ, ƀák sĩ Cuyên khoa măt mò Vũ Phương Việt Hằng, lơh broă tàm anih tờm gròi sền kòp tê jê să càr Gia Lai pà git: bè ờs kòp jê măt bơh tŭ gơlik geh tus tàm tŭ bời kòp geh tàm 1 poh. Di lah kơnòm bơsram ơm ờ lòt bơsram mờ bơsram is tàm hìu tàm tơngai do den kòp jê măt klồng ờ hoan gơtờp rơlao. Bŭ lah ờ ngòt rơngơ̆t, mơya cau mè bèp kơnòm bơsram kung pal lơh jăt di mờ ală jơnau bơto sồr sơm kòp bơh ală hìu sơnơm dê.