Bơh 1 poh lam lơh, ală tiah neh cĭt rlau 50% broă rơndăp lơh. Tàm khà rlau 38 rơbô ding vaccine rcang lài kơryan kòp sơnrang ai mpồl so, mèo in, ƀòn dờng Buôn Ma Thuột là mpồl lơh broă geh pà uă ngan rlau jơh mờ rlau 7 rơbô 500 ding, 3 tiah geh pà rlau 4 rơbô ding vaccine là ală kơnhoàl Cư Kuiñ, Krông Pách mờ Ea H’Leo.
Tŭ do, gah lơh sơnơm phan ròng neh pờ ơdŭ bơto pơlam ai kwang bàng lơh sơnơm phan ròng in lơh jat broă lơh cĭt vaccine rcang lài kơryan kòp sơnrang, gàr niam broă cĭt di mờ lơngăp lơngai ai cau lòt cĭt in; bơyai lơh mblàng yal mờ rơndeh trờn làm bă tiah ai ală kơnhoàl, thị xã, ƀòn dờng in tàm tơngai cĭt vaccine rcang lài kơryan kòp sơnrang. Mơkung sồr ală Trạm ròng phan mờ gah lơh sơnơm phan ròng in geh broă rơndăp lơh cĭt rcang lài kơryan kòp sơnrang jat broă lơh ai tiah cĭt sùm mờ ai mpồl cĭt trờn làm bă tiah drơng làng bol tus tàm hìu tơn.
Viết bình luận