Mpồl lơh broă neh tus còp mò Phạm Thị Sinh (deh nam 1930, ơm tàm quận Bình Thạnh), là cau ling pờ gùng tàm dơ̆ tam lơh Điện Biên Phủ. Mò Phạm Thị Sinh geh jàu Gai lòng Tam lơh pha lin khà 2, Gai lòng. Tơnơ̆ hơ̆, mpồl neh tus còp ồng Nguyễn Đình Xướng (deh nam 1934, ơm tàm quận Bình Thạnh). Ồng Xướng tus bal tam lơh Điện Biên Phủ bơh tàm ală ngai sơn rờp tus di tŭ tơn jơh tơn.

Ala mat mpồl kwang bàng, Củ tịc Hội đồng Ñân zân ƀòn dờng Hồ Chí Minh Nguyễn Thị Lệ pà gĭt, rơnàng tŭ do sùm cih dờp dà kơl hề dờng màng bơh ală kwang ling, kwang bàng, cau ling, ơruh pơnu lam lài, cau ling pờ gùng mờ ling klàng làng bol jơh gùt lơgar dê neh khin cha jak chài tam lơh, chơ̆t phi să tàm dơ̆ tam lơh Điện Biên Phủ, pơgồp bơnah lơh geh pha lin kah yau tàm dơ̆ tam lơh tam dră mờ lơgar Mỹ dong klàs Dà lơgar. Mò Nguyễn Thị Lệ  kơ̆p kờñ 2 nă ồng mò sùm pràn kơl dang, bơtòm tơrgùm bal mờ hìu bơnhă, oh kòn kòn sau, pơn jat tai đòm jat niam nùs nhơm cau ling Wa Hồ dê, geh uă tă pơgồp nàng bơt bơtàu tiah do ngai sơlơ bơtàu tơnguh.