Nggùl khà cau gơtìp khih phan sa tàm càr Dăk Lăk là tài ală bơta khih geh is
Thứ sáu, 08:03, 12/04/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Drim òr (11/4), Sở Y tế càr Dăk Lăk bơyai lơh Pơrjum lơh jăt Nhai lơh broă tàm Kloh niam phan sa nam 2024. Broă làng bol kung gam ngui poăc phan ròng, biăp sa geh bơta khih geh is lơh phan sa, neh lơh gơlik nggùl khà dơ̆ khih tàm nam lài, den tàng càr Dăk Lăk geh ai lài broă mblàng yal nàng kơrian bơta di gơlan gơtìp khih.
Nam 2023 càr Dăk Lăk gơtìp 8 dơ̆ khih phan sa, 86 nă cau gơtìp, tàm hơ̆ geh 77 nă cau mŭt piam tàm hìu sơnơm, gơguh 5 dơ̆ mờ gơguh 68 nă cau gơtìp pơn drờm mờ nam 2022. 50% khà dơ̆ khih phan sa tài làng bol ngui poăc mờ biăp neh geh lài bơta khih geh is.
Nhai lơh broă tài kloh niam phan sa nam 2024, geh bơyai lơh bơh ngai 15 nhai 4 tus ngai 15 nhai 5 tàm càr mờ tơngu me “Pơn jăt tai gàr kloh niam phan sa tàm bơta pa”. Mò Lê Thị Châu, Kwang atbồ Ci kụk Kloh niam phan sa càr Dăk Lăk pà git, Nhai lơh broă là bơta tờm tàm nam, ai geh dơ̆ lik lơh broă uă, lam lơh mblàng yal bè broă lơh jăt ală kơrnoăt tàm adăt boh lam bè kloh niam phan sa tàm ală broă lơh sa, kă bro phan sa.
Viết bình luận