Ngai 02/05, Kwang Gơnoar cih Quôk hội dê neh ai lơh jăt Jơnau yal jơnau đơs bơh Ủy ƀan Thường vụ Quôk hội dê bè broă jàu đơng lam broă lơh bơh Ủy ƀan Thường vụ Quôk hội mờ Quôk hội dê. Jăt mờ hơ̆, Ủy ƀan Thường vụ Quôk hội jàu ồng Trần Thanh Mẫn, Kwang bàng Ƀộ Cíñ trị, Phó Củ tịc Duh broă sùm Quôk hội đơng lam broă lơh bơh Ủy ƀan Thường vụ Quôk hội mờ Quôk hội dê. Lài hơ̆, tơnơ̆ iăt sền ală Sră yal, jơnau đơs tă pơgồp bơh ồng Vương Đình Huệ dê, Quôk hội neh bơyai lơh cribơyai, đùh sră ndơ̆p mờ ring bal Jơnau lơh nền tàm dơ̆ pơrjum ai lời ăt gơnoar broă kwang bàng Quôk hội gơ wèt mờ ồng Vương Đình Huệ.

Ồng Trần Thanh Mẫn deh nam 1962, tàm kơnhoàl Châu Thành, càr Hậu Giang, neh lơh uă gơnoar broă bè: Phó Củ tịc, Củ tịc Ủy ƀan Ñân zân, Ƀí thư Thàñ ủy ƀòn dờng Cần Thơ, Phó Củ tịc, hơ̆ sồng Củ tịc Ủy ƀan Mặt trận dà lơgar Việt Nam. Nhai 04 nam 2021, ồng Trần Thanh Mẫn geh Quôk hội khoă XIV pồ ăt gơnoar broă Phó Củ tịc Quôk hội.