Ồng Nguyễn Trọng Nghĩa, Kwang atbồ Ƀan Tuyên giáo dà lơgar neh đơng lam dơ̆ sền sơ wì do. Bơta tờm bơh broă lơh dê là bơnah ai ling lòt pơdar tàm gùng, sơn đờm mờ ală mpồl rơndeh par duk phàu crong gơ wèt Mpồl ling rơcang gàr kơl wàng trồ - Ling rơndeh par, Ling klàng làng bol Việt Nam cèng bal mờ bồng bi Đảng, bồng bi Dà lơgar Việt Nam. Pơn jat tai hơ̆ là mpồl ling lòt pơdar tàm gùng mờ 40 gah, bơh rơndeh cèng rùp pơrya dà lơgar; gah bồng bi Đảng, bồng bi dà lơgar; rơndeh rò rùp Củ tịc Hồ Chí Minh; rơndeh cèng rùp pơrya 70 nam Tam lơh pha lin Điện Biên Phủ; rơndeh đơng lam bồ, Rơndeh mpồl bồng bi ling klàng gùt mpồl ling; gah ùr nhơl gùng đơs crih; gah ling Điện Biên,… Tơnơ̆ broă lơh sền sơ wì dơ̆ sơn rờp kâp dà lơgar, Dơ̆ ai ling lòt pơdar tàm gùng tơngkah 70 nam tam lơh pha lin Điện Biên Phủ rơp geh sền sơ wì dut ndơl tàm ngai 05/5 do mờ bơyai lơh tơngkah tàm ngai 07/5 do.