Jat hơ̆, gah lơh sơnơm càr Kon Tum ai ală mpồl lòt sền, jat sền, lam lơh broă lơh rơcang lài kơryan kòp bơtờp, ngan là tàm tiah geh ală cau gơbàn kòp, geh jơnau pơhìn gơbàn uă kòp mờ ală tiah ờ hềt gròi sền niam ală cau cit sơnơm vaccine halà geh khà cit sơnơm vaccine ờ uă. Ƀák sỹ cuyên khoa 2 Đỗ Ngọc Hoà, Phó Kwang atbồ Sở Lơh sơnơm càr Kon Tum pà git, gơ wèt mờ kòp as rơnồng dờ kung bè ală kòp bơtờp ndai, Kon Tum neh geh Ƀộ Lơh sơnơm ai wil tơl sơnơm vaccine mờ tŭ do, gah do gam hòi jà ală hìu bơnhă, mè bèp lam kòn lòt cit sơnơm vaccine nàng sền gàr pràn kơldang să jan ai ală oh in tàm tơngai lòt bơsram wơl.