Iăt kơno ală jơnau đơs tàm dơ̆ lùp mờ hơ jơnau lùp, Phó Thủ tướng ồng Lê Thành Long đơs mờ đơs nền tàm tơngai pa do gah lơh sơnơm neh geh uă lơh ngan lơh geh uă cồng nha kwơ màng tàm broă lơh dong kờl, sền gàr pràn kơl dang să jan làng bol in, ngan là tàm broă rcang lài kơryan pleh kòp.

Mơya, kung gam ờ uă bơta kal ke, ờ hềt bơsong geh, bè: bơta ờ tơl sơnơm, phan bơna gah lơh sơnơm; lơyài bơsong bàr pe rơndăp broă lơh. Phó Thủ tướng pà gĭt Cíñ phủ neh is ồn sền gròi mờ kràñ cê jơh nùs sồr Ƀộ Lơh sơnơm ală Ƀộ, anih lơh broă, ală tiah geh gơrềng tơrgùm lơh jat dồ ròt bal ală kơnòl broă, broă bơsong nàng kờñ tơnguh uă bơta niam lơh broă dong kờl, sền gàr pràn kơl dang să jan làng bol in.