Cau kòp deh nam 2013 tàm sơnah ƀòn Thành Công, ƀòn dờng Buôn Ma Thuột, càr Dăk Lăk. Jăt cau tàm hìu yal, ngai 10 nhai 08, cau kòp gơtìp ală bơta tơngŏ duh să uă sùm, glar tàm să mờ geh cau tàm hìu ai hùc sơnơm tơmù duh să mơya kòp ờ gơmù den tàng geh jun tus Hìu sơnơm Kơnòm dềt Đức Tâm nàng sơm.

Ngai 14 nhai 08, kòp gơtìp jroă den tàng geh cèng tus Hìu sơnơm dờng tiah Tây Nguyên nàng sơm mờ broă sền gŏ gơtìp kòp mprơm gơlik mhàm Dengue. Ngai 15 nhai 08, kòp sơlơ jroă mờ cau kòp gơtìp chơ̆t. Tơnơ̆ mờ tŭ geh dờp cau gơtìp chơ̆t sơnrờp ngan tài kòp mprơm gơlik mhàm, Anih tờm gròi sền kòp tê jê să càr Dăk Lăk neh pơgồp bal mờ Hìu sơnơm ƀòn dờng Buôn Ma Thuột lơh ală broă nàng lùp sền, pơs wàs kloh niam tiah kis, bơyai lơh ƀồm sơnơm gơsơ̆t sơmăc tàm tiah geh gŏ cau kòp. Bơh bồ nam 2024 tus tŭ do, càr Dăk Lăk neh dờp geh 1 rơbô 453 nă cau gơtìp kòp mprơm gơlik mhàm, tàm hơ̆ neh geh dùl nă cau gơtìp chơ̆t.