Jăt khà kờp yal bơh Anih tờm Gròi sền kòp tê jê să càr Dăk Lăk dê, kờp tus 12 jiơ ngai 31 nhai 3 gùt càr neh cit vaccine rơcang kòp rang geh 41 rơbô 220 nă tàm khà 42 rơbô 943 nă kơnòm dềt, geh 96%.

Tàm hơ̆ geh 3 kơnhoàl geh khà uă là kơnhoàl Buôn Đôn geh 98,7%, kơnhoàl Cư Kuiñ geh 97,7% mờ ƀòn drà dờng Buôn Hồ geh 97,3%. Ồng Hoàng Hải Phúc, Lam bồ Anih tờm Gròi sền kòp tê jê să càr Dăk Lăk pà git, tàm ală ngai tus, mpồl lơh broă do pơn jăt tai sền wơl ală cau gam gơlời nàng cit bơtơl jơh. Kờp tus ngai 31 nhai 3, càr Dăk Lăk dờp geh 1 rơbô 19 nă cau gơtìp duh să gơlik toh mờ 228 nă cau gơtìp kòp rang. pal kah ngan, kơnờm mờ lơh mhar broă cit vaccine, den tàng tàm poh pa do, càr ờ geh tai kơnòm dềt gơtìp kòp rang.