VOV4.K’Ho- Mờr 20 nam đềt mềr tàm tiah nhàr lơgar, ƀak sìh Nguyễn Văn Quốc Trí, Phó Lam bồ Cơldŭ kham uă gah ling klàng làng bol lơh sơnơm A Xan gơ wèt Pôs đồng Sền gàr tiah nhàr lơgar Tr’hy, Cau ling Sền gàr tiah nhàr lơgar càr Quảng Nam sùm lơh ngan jòi lùp, lùp bơsram tơngguh uă bơta jak chài tàm broă lơh ờs mờng, sền gàr pràn kơldang să jan ai làng bol tiah nhàr lơgar in. Is ồn, uă nam do, ƀak sìh Trí gam dong kờl sơm kòp uă làng bol gơìp khih bơsèt, khi nha ngón, òng sồc, bơs jàñ kăp, ngan là tŭ deh kòn tàm gùl gùng…Ală broă lơh bềng bơta kwơ bơh ƀak sìh ồng Nguyễn Văn Quốc Trí dê tơnggŏ nùs nhơm, bơta tam klăc, đềt mềr đah ling klàng mờ làng bol, lơh geh bơta pin dờn jrô ơnàng tàm nùs làng bol tàm kơnhoàl ù tiah nhàr lơgar dê.

VOV4.K’Ho- Lơh geh bun bơh tàm ding lơh tơrlòng lài là broă lơh dong kờl deh dùh pa ngan mờ geh cồng nha ngan rlau jơh lời ai ală yô ùr klau băt geh kòn in. Jat tơrgùm kờp, khà kơnền tàm jơh bal cau klau mờ cau ùr tŭ do gam ngai sơlơ gơguh, ndrờm bal mờ broă ngai sơlơ uă hìu bơnhă jòi tus broă lơh geh bun bơh tàm ding mờ kơ̆p kờñ jòi geh kòn. Mơya, do là dùl măi mok gah lơh sơnơm dê sồr pal geh uă dà kơl hề mờ priă jền, den tàng tơl yô ùr bơklau pal jòi gĭt nền nòn ngan mờ lơh jat ală jơnau sồr bơh ƀák sìh dê nàng tơnguh khà geh cồng nha tàm broă lơh geh bun bơh tàm ding.

VOV4.K’Ho- Ală nam rềp ndo, bơta kơnòm dềt gơlơh să gờñ ngai sơlơ gơguh uă lơh ờ dồ êt nă mè bèp kơlôi rơcăng ngan. Gơlơh să gờñ gơrềng tus ờ mìng pràn kơldang să jan, bơta dờng pràn să bồ lơm mờ gam lơh gơrềng uă ngan tus bồ tơngoh hwềng nùs bơh kơnòm dềt dê. Uă mè bèp sền gròi, đal gĭt gờñ ală tềl tơnggŏ gơlơh să gờñ nàng lam kòn lòt kham, sơm mơya kung ờ dồ êt nă cau ờ hềt wă loh bè bơta do, ờ dong kờl tŭ do, lơh kơnòm dềt pal kong uă jơnau gơlời wơl.

VOV4.K'Ho- Rơlao 300 nă cau tus bơh ală hìu sơnơm tàm gùt lơgar pa tus bal Pơrjum jak chài geh bơyai lơh tàm Hìu sơnơm Đại họk Y Dược Buôn Ma Thuột, càr Dăk Lăk. Do là dùl broă lơh di tơnkah 70 nam Ngai Cau lơh sơnơm Việt Nam (27/02).

VOV4.K’Ho- Bơh bồ nam tus tŭ do, Hìu sơnơm kơnòm dềt Gia lai dờp mờr 500 nă kơnòm dềt mut tàm Hìu sơnơm tài bơh bơtờp kòp rang, gơguh uă nisơna pơndrờm dùl tŭ bal mờ nam 2024. Bơta do lơh Gah Hìu sơnơm nhiệt đới gơ ơm tàm bal gal ir.

VOV4.K’Ho- Rềs àr gùng lòt kung gơlik geh pah ngai, pah jiơ, lơh roh tĕ pràn kơl dang să jan, màng kis bơh uă cau dê. Broă dờp sơm sồt, sơm ai cau gơtìp rềs àr gùng lòt in neh kal ke, gơwèt mờ cau gơtìp rềs àr gùng lòt gơrềng tus ñô ƀièr, ơlak gam geh kal ke, kơn jơ̆ kơn jŭt rlau tai.

VOV4.K'Ho- Tàm ală ngai do, gah lơh sơnơm càr Dăk Lăk sùm geh tàm bơta “Lơh ngan” nàng gàr niam broă kham sơm kòp. Bơh ală hìu sơnơm dờng tàm ƀòn dờng Buôn Ma Thuột tus ală hìu sơnơm dềt tàm ală kơnhoàl, ală hìu sơnơm ndrờm neh rơcang lài tơl ală bơta jal mhar, dong kờl làng bol geh dùl kàl Satềp lơngăp lơngai.

VOV4.K’Ho- Nàng gàr kloh niam phan sa, tơrmù uă ngan ală dơ̆ gơtìp khih phan sa di Satềp Ất Tỵ mờ kàl lơh chờ Nam pa 2025, Mpồl Sồr lơh ală gah lơh broă Dà lơgar bè kloh niam phan sa neh lơh geh 5 Mpồl lòt sền gah lơh broă, bơta tờm tus sền tàm 10 càr, ƀòn dờng bơh kấp càr, ƀòn dờng tus kấp sàh, sơnah ƀòn. Tơngu me tờm tơrgùm sền ală bơta phan, mpồl phan geh ngui uă tàm dơ̆ satềp, tơrgùm sền broă lơh jăt ală jơnau geh ai bơh adăt boh lam dê tàm broă lơh, kă bro phan sa, ală hìu kă bro broă lơh drơng ala sào sa tàm broă sền pal lơh loh khà geh lơh, bơta tìs nàng geh cơng tàng geh ai mờ lơh glài di jăt jơnau neh geh ai. Mờ pơgồp bal mblàng yal bè kloh niam phan sa tàm broă tus sền.

VOV4.K'Ho- Deh ờ tơl nhai là dùl tàm ală bơta gơtìp ờ niam bun ngòt rơngơ̆t ngan, di gơlan lơh gơrềng uă ngan tus mờ bơta pràn kơl dang să jan, màng kis bơh cau mè mờ kòn se dê. Jăt ală y, ƀák sĩ gah deh kòn yal, deh kòn ờ tơl nhai gam ngai sơlơ geh uă tàm mpồl bơtiàn tŭ do. Den tàng, ală cau mè pal jòi sền nàng git tài bơta lơi, bơta tơngŏ bal mờ ală gùng dà broă lơh nàng rơcang pleh mờ deh kòn ờ tơl niam nàng geh dơ̆ deh kòn niam.

VOV4.K’Ho- Bơh bồ nhai 12, Ƀộ Y tế pơgồp bal mờ Anih duh broă Làng bol ƀòn dờng Hà Nội bơyai lơh Dơ̆ lam lơh Nhai lơh broă Dà lơgar bè Khà kờp làng bol mờ tơngkah kir sơnrai Ngai Khà kờp làng bol Việt Nam (26/12) nam 2024 mờ tơnggume “Tơngguh uă bơta niam khà kờp làng bol nàng dà lơgar pas sơm, hìu bơnhă chờ hờp”. Nàng broă lơh khà kờp làng bol lơh jăt geh cồng nha, gah lơh sơnơm kờñ pal lơh ngan bơsong ală bơta lòng gam gơ tơlik tŭ do.