Tàm pơrjum, kwang đơng lam Anih duh broă Làng bol càr đơs nền tus mờ bơta pràn kơl dang să jan là bơta tờm gơwèt mờ bơta niam rài kis bơh làng bol dê bal mờ broă bơtàu tơnguh kơl jăp càr dê.

Tàm tơngu me do, ală kấp, gah lơh broă pơn jăt tai lơh pràn broă mblàng yal, tơnguh uă jơnau git wă mpồl bơtiàn dê bè sền gàr pràn kơl dang să jan; mờ bơcri priă tơnguh uă bơta niam broă lơh sơnơm, tơnguh bơta pràn rơcang kơrian mờ rơcang lài mờ bơta di gơlan gơtờp kòp. Tàm bơta tam gơl nhơm trồ tiah mờ kòp gơtờp di gơlan gơtìp uă rềs àr, làng bol geh bơto sồr rơcang lài kơrian kòp bơh gờñ, bơh ngài, bơ̆t bơtàu rài kis niam, pơgồp bal tàm broă lơh geh tiah kis gơguh jăk, tơlir, kloh.