Gah lơh sơnơm ƀòn lơgar gam sơlơ tơngguh tai ală broă lơh bơsong nàng kờñ tơrmù khà cau bơtờp pa kung bè sơm ƀă tàm ai cau kòp in. Bơh bồ nam tus tŭ do, càr Dăk Lăk cih dờp 602 nă cau bơtờp kòp jơng tê bơr tàm kơnòm dềt, gơguh 10% pơndrờm bal dùl tŭ mờ nam lài, ờ hềt geh cau lơi chơ̆t. Bàr pe tiah geh khà cau bơtờp uă bè sơnah ƀòn Buôn Ma Thuột, Tuy Hoà, ală sàh: Sông Hinh, Krông Pắk, Liên Sơn Lắk, Buôn Đôn, Cư M’gar…

Ƀak sìh Hoàng Hải Phúc, Kwang Lam bồ Anih tờm Gròi sền kòp tê jê să càr Dăk Lăk pà gĭt, trồ tiah tơngai duh lơh gơguh tai jơnau pơhìn bơtờp uă kòp jơng tê bơr. Gah lơh sơnơm càr Dăk Lăk gam rơcăng lài lam lơh ală gùng dà broă rơndăp lơh rơcăng, kơryan kòp bơtờp, mơkung sơlơ yal, mblàng yal nàng tơngguh uă gĭt wă rơcăng kòp bơh làng bol dê.