Bơh bồ nam tus tŭ do, càr Lâm Đồng dờp geh 1 rơbô 73 nă cau gơtìp kòp jơng tê bơr, pơgăp 95% tàm kơnòm dềt hờ đơm 5 sơnam. Yal lài tàm tơngai tus, kòp jơng tê bơr di gơlan pơn jăt tai gơguh mờ gơtìp kal ke.

Nàng rơcang sền gròi kòp gơtờp, Sờh Lơh sơnơm càr sồr Sờh Bơto bơtê mờ Bơsram càr sồr ală hìu bơsram, tàm hơ̆ uă ngan hìu bơsram mầm non mờ kấp 1, lơh jăt nền nòn ală gùng dà broă rơcang, kơrian kòp gơtờp, bơta tờm là lơh jăt gùng dà “3 kloh”: sa hùc kloh, ơm kloh mờ mpàng tê kloh. Sờh Lơh sơnơm kung sồr gah bơto bơtê pơgồp bal nền nòn mờ gah lơh sơnơm tàm broă mblàng yal, jăt sền mờ kơrian tiah gơtìp kòp; mblàng yal ai cau pơgru, cau mè bèp kơnòm bơsram in git bơta tơngŏ kòp mờ broă kơrian kòp.