Do là măi mok dong kờl reh khúc xạ tơrgùm bal AI gam geh lơh uă tàm dunia mờ tàm ală tiah drà dờng tàm lơgar Việt Nam; mơya là dơ̆ sơnrờp geh ngui tàm Tây Nguyên. Phan mờ Hìu sơnơm măt Tây Nguyên ngui là VisuMax 800, phan reh khúc xạ pa, ngui măi mok laser geh khà uă mờ di ngan.

Mờ tơngai reh ờ jŏ, khà gơmŭt ờ uă, ngui phan do dong kờl tơnguh uă bơta niam mờ tơrmù tơngai pràn wơl tơnơ̆ mờ tŭ reh. Broă ai phan VisuMax 800 tàm broă ngui ai tơngŏ bơta kwơ màng tàm broă reh ală kòp bè măt tàm càr Dăk Lăk dê, ai geh bơta niam nàng làng bol tàm Tây Nguyên geh sơm kòp măt geh cồng nha tàm càr do tơn. Ƀák sìh Trần Đình Tuấn, Kwang Lam bồ Hìu sơnơm Măt Tây Nguyên pà git phan do dong kờl sơm ờ loh măt mờ ờ niam măt uă mìng tàm 10 giây tàm 1 đah măt, den tàng gơdờp ngan mờ ală bơyô gam kơnòm in.