VOV4.K'Ho- Di tàm satềp, ha là kàl rơlô bơkang Hìu sơnơm dờng tiah Tây Nguyên dờp geh uă cau mŭt piam tàm hìu sơnơm tàm bơta sồt uă bơta tềng muh măt, tê, ndul tài nhơl phăo. Ală bă sồt bơh phăo ờ mìng lơh jê bè poăc să mờ gam gơlời wơl bơta ờ niam tàm nùs nhơm, lơh gơrềng uă ngan tus rài kis bơh cau gơtìp bal mờ hìu nhă.

VOV4.K’Ho- Dồ nă oh klau dềt 14 sơnam ơm tàm kơnhoàl Ea H’leo, càr Dăk Lăk pa geh dong kờl mhar tàm Hìu sơnơm dờng tiah Tây Nguyên tơnơ̆ dơ̆ bơrtoh phàu.

VOV4.K'Ho- Jơnau yal Lùp sền bơta pràn kơl dang bồ tơngoh hwềng nùs kơnòm pa tào lơgar Việt Nam dê bơh Anih kơlôi sơnơng Mpồl bơtiàn pà gŏ: Bơta pràn bồ tơngoh hwềng nùs tàm ơruh pơnu kơnòm pa tào geh tơngŏ gơguh, tàm hơ̆ geh 1 tàm 5 nă kơnòm pa tào (20%) geh bơta bè pràn kơl dang bồ tơngoh hwềng nùs mờ mìng geh 8,4% ơruh pơnu kơnòm pa tào neh tus mờ ală broă lơh dong kờl ha là pơlam ală bơta bè nùs nhơm bal mờ broă lơh. Bơta kal ke bơh sơsram sră bal mờ broă sền gròi ha là ờ geh broă sền gròi bơh mè bèp kung neh lơh kơnòm pa tào gơtìp kơlôi rơcang, ờ niam nùs nhơm, gơlơh bè gơtìp pleh mờ ơm is. Pal lơh bè lơi nàng sền gròi uă rơlao tai tus bơta pràn kơl dang bồ tơngoh hwềng nùs tàm ơruh pơnu kơnòm pa tào? Jơnau cih tơnơ̆ do geh yal bè bơta mùl màl do.

VOV4.K'Ho- HIV là kòp gơtờp ngòt rơngơ̆t ngan, lơh gơrềng tus bơta pràn kơl dang să jan bal mờ màng kis bơh cau gơtìp kòp. Mơya, ală nam pa do, kòp HIV ờ gam là kòp ngòt rơngơ̆t tai bè uă cau kơlôi, tài neh geh sơnơm sơndră mờ virus HIV (ARV) dong kờl gròi sền virus HIV/AIDS geh cồng nha. Cau gơtìp kòp HIV kơnờm mờ hơ̆ den tàng geh bơta niam tàm rài kis kung bè ală cau bè ờs ndai. Nàng geh bơta do, bơta kwơ màng là ală cau di gơlan gơtìp kòp uă pal rơcang lòt lơh xét nghiệm kòp HIV gờñ.

VOV4.K'Ho- Pàl kơltau gam geh hòi là pàl să tàm kơnòm kòn se pa deh là kòp mờng gơtìp ngan. Tơngŏ tàm pơgăp 60% khà kơnòm kòn se deh tơl nhai mờ 80% khà kơnòm kòn se deh ờ tơl nhai. Pàl să kòn se pa deh geh bàr bơta di mơ (pàl să ờs mờng) mờ pàl să jroă (pàl să kòp). Tàm bơta jroă, di lah ờ gŏ mờ sơm kòp di tŭ, kòp di gơlan lơh gơtìp ờ niam, kòn se di gơlan gơtìp chơ̆t ha là gơtìp ờ niam tơngoh tus jơh rài tơn. Den tàng, broă kờñ git bơta tơngŏ kòp mờ sơm kòp di tŭ là kwơ màng ngan nàng sền gàr bơta pràn kơl dang să jan kòn se in.

VOV4.K'Ho- Đồm gơlik sơdàng mờng sơnđan là kòp đồm sơdàng, do là kòp tơngŏ ờ loh làng jŏ tơngai, geh khà cau gơtìp kòp, bơta gơlik ờ niam mờ chơ̆t uă. Bŭ lah ngòt rơngơ̆t, mơya kòp do gơlik gơtìp ờ tơngŏ loh làng, geh uă ngan cau gơtìp kòp tŭ git neh tàm tơngai kòp jroă, gơtìp uă bơta ờ niam. Den tàng, kờñ git gờñ bơta tơngŏ bơh kòp bal mờ broă di tŭ sơm là broă lơh geh kwơ màng ngan nàng sền gàr bơta pràn kơl dang să jan.

VOV4.K'Ho- Lơh jăt bơh nam 2023, Broă lơh “Ròng gàr bơta chờ hờp” tàm mpồl lơh broă IVFMD Buôn Ma Thuột, gơwèt Hìu sơnơm Đại họk Y Dược Buôn Ma Thuột neh dong kờl uă ùr bơklao ờ geh kòn geh rài kis gơtìp kal ke tàm Tây Nguyên lơh geh jơnau kơ̆p kờñ bè dùl hìu nhă gơboh gơbài tơl bơta. Pơgồp bal tàm broă lơh ai geh tai bơta pràn mờ nùs nhơm pin dờn tàm tơngai jòi geh kòn bơh ală ùr bơklao ờ geh kòn dê.

VOV4.K’Ho- Jăt jơnau yal bơh Anih tờm Gròi sền kòp tê jê să càr Dăk Lăk dê tàm ù tiah càr pa gĭt gŏ dồ nă cau chơ̆t pin tài kòp sơnrang.

VOV4.K’Ho- Tơngai pa do, khà cau kòp gơtìp gơdrồl mhàm tơngoh mŭt piam kòp tàm hìu sơnơm tàm càr Dăk Lăk gơguh tai uă ngan. Gơdrồl mhàm tơngoh kong gơrềng bơh uă ngan jơnau dê, tàm hơ̆ trồ tiah tam gơl, tam gơl mrềt nisơna geh sền là jơnau pơhìn sơnđờm lơh gơtìp gơdrồl mhàm tơngoh. Kòp ƀươn lơh gơbàn chơ̆t uă dilah ờ geh dong kờl mhar mờ bơsong di tŭ.

VOV4.K’Ho- Drim òr (12/11), Ƀộ trưởng Ƀộ Lơh sơnơm Đào Hồng Lan pơn jat tai hơ jơnau lùp bơh cau ala mat Quôk hội dê. Ală cau ala mat Quôk hội sồr tơrgùm lơh jat dồ ròt bal ală kơnòl broă, broă bơsong nàng kờñ tơnguh uă bơta niam lơh broă dong kờl, sền gàr pràn kơl dang să jan làng bol in.