VOV4.K’Ho- Ơ làng bol mờ ală bơyô! Dơ̆ sàu tàm hìu bơsram ờ mìng là dùl bơnah tàm ală broă lơh bơh hìu bơsram dê mờ gam là jơnau gơrềng tus pràn kơldang, bồ tơngoh ngăc ngar, să bồ kơnòm bơsram dê. Ngan tài bè hơ̆, bal mờ broă lơh bơto bơsram, broă gàr bơta niam dơ̆ sàu ai ală oh dềt in là dùl kơnòl broă kwơmàng ngan, is ồn là tàm ală hìu bơsram ơm sa ngai, ơm sa bĭc tơn tàm hìu bơsram. Tơnơ̆ do là jơnau yal wơl bơh mpồl cau cih jơnau dê bè broă lơh tơrlòng lài dơ̆ sàu tàm hìu bơsram tàm hìu bơsram mầm non sơnah ƀòn Thành Nhất, ƀòn dờng Buôn Ma Thuột, càr Dăk Lăk.

VOV4.K'Ho- Tềng đăp mờ bơta di gơlan gơtờp bơh kòp Kovid-19, gah lơh sơnơm ală càr tàm Tây Nguyên gam lơh pràn lơh jăt ală gùng dà broă lơh nàng sền gròi kòp Kovid-19, tàm bơta jơnơnau kờñ lòt rê, lòt nhơl gơguh uă tàm kàl rơlô bơkang nam do.

VOV4.K’Ho- Ngai òr (03/06), Hìu sơnơm uă gah tiah Tây Nguyên mờ Kông ty TNHH Gene Solutions Lab kĭ hơ sră cih kah lam lơh broă lơh “Mpồl bơtiàn lơh bal sền sơwì NIPT ai cau bun in, tơnguh bơta niam khà kờp làng bol Việt Nam.

VOV4.K'Ho- Trồ tiah gơbàn ni sơna là bơta ƀuơn nàng ală bơta virus, vi khuẩn lơh gơbàn kòp in deh dùh mờ rơ̆ rài, ngan là tàm phan sa. Gơwèt mờ kơnòm dềt, tŭ gùng tơrdih phan sa (pròc klung) phan sa gam lơbơn ờ pràn, ƀuơn ngan gơtìp kòp jê ndul gơjroh di lah sa di phan, dà hùc ờ kloh niam, gơtìp vi khuẩn. Kòp jê ndul gơjroh jàng lah ƀuơn mơya di lah ờ rơcang lài nàng git kòp mờ lơh di den di gơlan lơh gơtìp ală bơta ngòt rơngơ̆t tus mờ pràn kơl dang să jan bal mờ màng kis kòn dềt dê. Den tàng, cau mè bèp pal git gờñ bơta tơngŏ kòn dềt gơtìp jê ndul gơjroh, sền gàr, lơh di pal nàng rơcang gàr lài kòp gơtìp jroă. Jơnau yal mùl màl tàm càr Dăk Lăk dê.

VOV4.K'Ho- Kòp sơnrang là dùl bơta kòp ờ niam tơngoh, lơh gơrềng ờ niam uă ngan gơwèt mờ bơta pràn kơl dang să jan cau kòp dê. Do là kòp pal geh sơm sùm, jơh rài kis mơya bơta kơlôi rơcang ngan là tŭ do geh uă cau kòp ờ lơh jăt broă sơm kòp, lơh kòp ờ niam mờ gam gơtìp wơl uă dơ̆ lơh jroă rơlao tai ală bơta gơtìp bơh kòp dê.

VOV4.K'Ho- Kham sơm kòp ờ sa priă là broă lơh sền gàr bơta pràn kơl dang să jan geh Dà lơgar bơyai lơh, lơh jăt, ờ tài jơnau kờñ geh kwơ. Do là broă lơh kwơ màng tàm mpồl rài kis broă lơh broă sa mpồl bơtiàn. Ngai 27 nhai 11 nam 2024, Adăt tam gơl, bơtơl ờ uă bơta tàm Adăt Kham sơm kòp ờ sa priă nam 2024 mùl màl geh Quốk hội ring bal mờ geh ngui bơh ngai 01 nhai 7 nam 2025 neh ai geh bơta kwơ màng uă ngan tàm broă tơnguh bơta niam mpồl sền gàr bơta pràn kơl dang să jan gùt làng bol. Adăt geh uă bơta pa niam, wèt tus rề ơnàng mờ tơnguh gơnoar kwơ ai cau tus blơi sră Kham sơm kòp ờ sa priă in.

VOV4.K'Ho- Kòp rang tus tŭ do ờ hềt gơmù bŭ lah Ƀộ lơh sơnơm neh tơrmù tơngai cit vaccine rơcang kơrian kòp rang tàm kơnòm dềt gam 6 nhai ai ding sơnrờp in, mơya ờ hềt tus nhai 6 pah nam mŭt tàm kàl kòp jơng tê bơr mờ kòp mprơm gơlik mhàm gơlik, khà cau gơtìp geh tơngŏ gơguh bŭ lah ờ hềt tus tàm kàl mìu. Tềng đăp mờ bơta kòp gơtìp kal ke. Ƀòn dờng Hồ Chí Minh gam rơcang kơrian kòp uă broă lơh nàng pleh mờ bơta gơtìp “Kòp gơguh kòp” lơh kal ke tus mờ mpồl lơh sơnơm.

VOV4.K'Ho- Tơngai lài, khà cau gơbàn kòp rang tàm càr Lâm Đồng gơguh uă nisơna mờ mờr 1 rbô nă cau kòp.

VOV4.K'Ho- Kòp rang gam pơn jăt tai gơtìp kal ke tàm gùt lơgar đơs bal, tàm càr Dăk Lăk đơs is. Nàng mhar geh sền gròi kòp gơtờp, tơrmù uă ngan cau gơtìp kòp, chơ̆t, gah lơh sơnơm càr Dăk Lăk neh rơcang lài, lơh pràn broă lơh jăt nền nòn jơnau sồr bơh Thủ tướng Cíñ phủ, Ƀộ Lơh sơnơm, Anih duh broă làng bol càr Dăk Lăk dê tàm broă rơcang kơrian kòp gơtờp, gŏ, dờp sơm kòp cau kòp in.

VOV4.K'Ho- Lài mờ Pơrjum dơ̆ IX, Quốk hội khoă XV, Mpồl cau ala măt Quốk hội càr Dăk Lăk neh bơyai lơh pơrjum tìp mờ cau tĕ khà mìng dùl tơngu me bè gah lơh sơnơm.