Ƀák sìh Hoàng Hải Phúc pà git, cau chơt dơ̆ do là sau geh mat sơnđan cih lơyah là Y.J.P.H.Đ (5 sơnam ơm tàm sàh Krông Năng, càr Dăk Lăk). Tàm ngai 30/4, sau geh tềl tơnggŏ să jan glar, rơngòt sòl àng, rơngòt càl, ờ gơmut sa, gơtuh hă mờ jê ndul. 

Tus ngai 02 nhai 5, sau geh jun mut tàm Hìu sơnơm uă gah tiah Tây Nguyên nàng kham mờ sơm. Ngai 03/5, kòp gơbàn jroă, geh pà git digơlan chơt să. Hìu bơnhă dan lam sau rê tàm hìu mờ jơnau pơn dut kham sền: gơbàn ờ niam să jat tài sồt mồr mhàm, gơtìp aniai uă bơta tàm să, gơlik mhàm tàm gùng lơh lề phan sa, as sồt kơndoh tơngoh, jat sền kòp sơnrang mờ ờ pràn gùng tă nhơm khà 4. Dùl ngai bal, oh dềt do chơt tàm hìu. Jat cau tờm hìu, pơgap 4 nhai lài mờ tŭ mut tàm hìu sơnơm, sau neh geh tŭ gơtìp dùl nơm mèo mờr 6 nhai kuah tềng tê ma.