Bơh ngai 2/6, ală sàh, sơnah ƀòn, tiah is ồn ring bal bơyai lơh kham pràn kơl dang să jan ờs mờng, kham sac rơwah ờ sa priă ai kơnòm dềt hơđơm 16 sơnam in; lơh pràn mblàng yal, hòi jà làng bol tus bal mờ sền gĭt tơl làm ală jơnau yal tơngĭt jat jơnau sồr dê.

Ală hìu bơsram kung pơgồp bal mờ hìu sơnơm, anih lơh sơnơm bơyai lơh kham pràn kơl dang să jan ai kơnòm bơsram in, pơgồp bơnah lơh jat broă jàu geh jàu dê. Nàng gàr niam tŭ tơngai mut lơh, càr Lâm Đồng neh ai bơtơl 200 tơmàn đong lơh broă lơh kham pràn kơl dang să jan ờ sa priă ai rlau 3 tơlak 240 rơbô nă làng bol in tàm nam 2026. Tàm hơ̆, jơnau kờñ tus jơh nhai 6 là kham ai mờr 1 tơlak 260 rơbô nă làng bol in; khà gam wơl rơ̆p lơh sir lài mờ ngai 31/12/2026.