Tơnơ̆ jơnau lơh nền tơmut bal 2 càr Dăk Lăk mờ Phú Yên, git nđờ rhiăng nă kwang bàng, kông cứk bơh Phú Yên rơp ntrờn tus ƀòn dờng Buôn Ma Thuột, càr Dăk Lăk dờp kơnòl broă. Ală broă rơndap lơh dong kờl bè hìu ơm, rơndeh rơndồ gam geh kờp dŭ lam lơh. 

Mùl màl, tơnơ̆ tŭ tơmut bal gơs 1 càr den rơp geh mờr 1 rbô nă kwang bàng, viên cứk bơh Phú Yên ntrờn tus ƀòn dờng Buôn Ma Thuột, càr Dăk Lăk nàng dờp kơnòl broă. Ồng Trương Ngọc Tuấn, Kwang lam bồ Sờh broă dơlam is càr Phú Yên pà git, gah lơh broă geh gơnoar gam bơt bơtàu broă rơndap lơh dong kờl bè hìu ơm, rơndeh rơndồ lòt rê nàng kờñ dong kwang bàng, kông cứk, cau lơh broă iang nùs lơh broă. Tŭ do, ală broă rơndap lơh dong kờl gam geh kờp dŭ nền nòn nàng lơh bè lơi gơ in geh cồng nha.