Càr Lâm Đồng bơyai lơh ai mờng chài tơnơ̆ pơrjum dờng tơrlòng lài kâp sàh dơ̆ sơnrờp
Thứ tư, 13:44, 16/07/2025 Cau mblàng: K'Duẩn/VOV Cau mblàng: K'Duẩn/VOV
VOV4.K'Ho- Phó Thủ tướng ồng Nguyễn Hòa Bình đơs sùm, pơrjum dờng ờ mìng là broă cíñ trị bơh Đảng dê mờ kờñ pal lơh gơlik nùs nhơm chờ hờp chờ hờn tàm làng bol.

Tàm 2 ngai, 14 mờ 15/7, Đảng ƀộ sàh Đơn Dương, càr Lâm Đồng bơyai lơh geh cồng nha Pơrjum dờng cau ala mat dơ̆ 1, tơngai lơh broă bơh nam 2025 tus nam 2030. Do là pơrjum dờng lơh tơrlòng lài kâp sàh sơn rờp tơnơ̆ tŭ lam lơh tơmut bal càr mờ lơh broă gơnoar atbồ 2 kâp bơh ngai 01 nhai 07.

Tơnơ̆ tơn jơh pơrjum, Phó Thủ tướng Duh broă sùm Cíñ phủ ồng Nguyễn Hòa Bình neh đơng lam pơrjum ai mờng chài, mblàng yal broă lơh bơyai lơh pơrjum tus 123 sàh, sơnah ƀòn, ƀòn drà dềt gùt càr. Ală cau ala mat jờng rơ bơta rơcang lài bơh Mpồl Lơh kơnòl broă sùm Tỉñ ủy càr mờ Đảng ủy sàh Đơn Dương dê. Đơs tàm pơrjum, Phó Thủ tướng ồng Nguyễn Hòa Bình đơs sùm, pơrjum dờng ờ mìng là broă cíñ trị bơh Đảng dê mờ kờñ pal lơh gơlik nùs nhơm chờ hờp chờ hờn tàm làng bol. Lài mờ pơrjum dờng, kờñ pal lam lơh ală srơh tàm pơrlòng, broă lơh gờm chờ geh kuơ ngan ngồn, ờ mìng bơh priă bơcri dà lơgar dê mờ gam jơh bal bơcri priă cau nă să is, nàng pơgồp bơnah lơh gơlik bơta gơn kơnờm bơtàu tơnguh càr tơnơ̆ tơmut bal.

Cau mblàng: K'Duẩn/VOV

Viết bình luận

TIN CÙNG CHUYÊN MỤC