Tàm pơrjum dờng, ală cau ala mat neh cribơyai, đal git gùng dà, nùs nhơm, kơnòl broă tờm mờ broă lơh tam gơl pràn nàng lam lơh kơnòl broă cribơyai broă mờ lơgar ndai tàm bơta pa, bơt bơtàu Đảng ƀộ mờ gah cribơyai broă mờ lơgar ndai kơ̆ kơljap, pràn kơldang, tơl làm, tam gơl pa, mờng chài. 

Đơs tàm pơrjum dờng, Thủ tướng ồng Phạm Minh Chính đơs nền: Bơta pơgồp bal đah 3 gah tờm lơh broă mờ lơgar ndai Đảng, cribơyai broă mờ lơgar ndai dà lơgar mờ lơh broă mờ lơgar ndai làng bol geh lam lơh niam, ring bal, lơh gơlik mpồl lơh broă mờ lơgar ndai tơl làm, jơh gùt làng bol, pơgồp bơnah kuơmàng lơh niam bơta git gơp lơgar he dê mờ ală lơgar lơh broă bal, tơnguh gơnoar broă, bơngă dà lơgar dê, mờ kung tơnguh gơnoar broă, bơngă pin dờn Đảng he dê tàm muh mat ală lơgar.