Jăt hơ̆, kờp jơh bă brê gùt càr Gia Lai geh rlau 650 rbô lồ. Tàm hơ̆, brê geh is mờr 480 rbô lồ; brê tam mờr 160 rbô lồ; gam wơl là ù tam chi ờ hềt gơgơs brê. Khà bă ù geh brê tàm ù tiah càr dê geh 41,09%, khà bă ù geh brê bal geh 47,59%. Anih duh broă Làng bol càr Gia Lai đơs sùm bơta kwơmàng bơh broă yal jơnau geh ngan brê dê nàng drơng broă lơh sền swì, jăt sền mờ đơs ală broă jàu bă brê jăt jơnau sồr.

Mơkung sồr ală anih lơh broă geh gơnoar yal loh làng ờ ndơ̆p mpồn khà sồ jơnau geh ngan brê, pal loh làng song dơ pă nàng ală mpồl cau, cau dùl nă să is in gĭt loh mờ lơh jăt kơnòl geh gơrềng. Do là cơng tàng kwơmàng nàng ătb ồ brê kơ̆ kơl jăp, lơh geh ală jơnau kờñ bơtàu tơngguh lơh sa- mpồl bơtiàn gơ jăt bal mờ sền gàr tiah ơm kis.