Pal lơh gùng dà broă lơh lơi nàng gàr niam ală mpồl lơh sa kă bro rơcang atbồ, ngui priă dà lơgar geh cồng nha, ờ lơh gơtìp hoàc huơr là broă geh ală kwang bàng ala măt sền gròi ngan.

Rơndăp broă rơcang cih Adăt Atbồ mờ bơcri priă dà lơgar tàm mpồl lơh sa kă bro đơs nền kơrnoăt pal jăt: Dà lơgar là dùl cau bơcri priă tàm mpồl lơh sa kă bro, ờ lơh ală broă lơh sră nggal tơn tàm broă lơh mờ atbồ bơh mpồl lơh sa kă bro dê, gàr niam ală gơnoar bơh cau bơcri priă, pơgồp priă. Rơndăp broă rơcang cih Adăt geh lơh nàng tơnguh cồng nha atbồ priă dà lơgar mờ ai geh tơngu me adăt boh lam kơl jăp nàng mpồl lơh sa kă bro geh priă dà lơgar lơh broă jăt kơrnoăt drà kă bro dê, tàm pơrlòng ring niam, mờ bơtàu tơnguh kơl jăp, pơgồp bal kwơ màng tàm broă lơh jăt ală jơnau kờñ jŏ jòng dà lơgar dê tàm tơngai bơh nam 2021 tus 2030.