Tàm dơ̆ bơyai lơh, ala mat Cíñ phủ lơgar Lào, ồng Lếc-lảy Sỉ-vị-lay – Kwang bàng Đảng Dà lơgar, Ƀí thư, Atbồ càr Sê Kông neh jàu pà Gai lòng Lơh broă khà 1 nàng kờñ cih dờp ală tă pơgồp jơh nùs bơh càr Dăk Lăk dê tàm broă sơlơ tơnguh lơh kơ̆ kơl jăp rlau tai bơta gĭt gơ̆p lơh bơyô bal is ồn đah 2 lơgar. Di dơ̆ do, Anih duh broă Làng bol càr Dăk Lăk mờ Gơnoar atbồ càr Sê Kông kung neh kĭ Sră cih kah lơh broă bal tơngai bơh nam 2025 - 2030.

Ƀí thư Tỉñ ủy càr Dăk Lăk ồng Nguyễn Đình Trung tơngŏ bơta pơn yờ să, ưn ngài Cíñ phủ mờ làng bol lơgar Lào, mơkung hơ pơn jat tai lơh kơ̆ kơl jăp, bơtàu tơnguh bơta gĭt gơ̆p lơh broă bal geh cồng nha. Đơng lam bồ càr kung sồr ală mpồl lơh broă geh gơrềng lơh ngan ngồn ală tơngume lơh broă bal, sơlơ tơnguh tai tìp mat lơh kwèng làng bol mờ lơh jat niam gơnoar broă ală mpồl, mpồl lơh sa kă bro 2 gah dê.