Mờ gùng dà broă lơh “Tam klăc - Làng bol lơh tờm - Duh rơngòt kơrnoat boh lam - Geh kơnòl - Geh cồng nha”, Pơrjum dờng sền gĭt tơnguh uă bơta pràn jak đơng lam, sơlơ tơnguh tai tam gơl sồ, lơh ngan ngồn broă lơh lơh adat boh lam, jat sền mờ bơta kơ̆p kờñ làng bol dê.

Đơs tàm pơrjum dờng, Phó Củ tịc Quôk hội jờng rơ uă Jơnau yal cíñ trị, đơs là Đảng ƀộ neh sền gĭt di ală cồng nha, bơta ờ pràn mờ ai tơlik gùng dà broă lơh di pal. Phó Củ tịc Quôk hội sồr tơrgùm bơsram lơh jat ală Jơnau lơh nền tàm pơrjum, Jơnau sồr, Jơnau pơndŭt bơh Dà lơgar, Ƀộ Cíñ trị dê, ngan là ală tơngume bè rơndăp tăp sèng mpồl lơh broă, tam gơl pa kơrnoat boh lam, bơt bơtàu adat boh lam, tam gơl broă lơh gơguh lơh sa. Đơs sùm gơnoar lơh sa làng bol lơh is, jak chài măi mok mờ tam gơl sồ là bơta gơn kơnờm kwơ màng, pơgồp bơnah lam Dà lơgar mut tàm rài bơtàu tơnguh pa, jrô ơnàng mờ kơ̆ kơl jăp jŏ jòng.