Thủ tướng đơs nền, dà lềng ờ mìng là phan kuơ geh is mờ gam là tiah sơn đờm rài kis, tàm bơrkuăt bal kòn bơnus mờ ù tiah. Gơ wèt mờ lơgar Việt Nam, rlau 3 rbô kơi sồ gah dà lềng là rùp pơrya niam chài, huềng soàn jơi bơtiàn. 

Bơtàu tơnguh lơh sa dà lềng geh cồng nha, kơ̆ kơljap jŏ jòng sùm là jơnau sồr dipal mờ là bơta sac rơ wah kuơmàng nàng Việt Nam gơ gơs là lơgar dà lềng pràn, lơh gơtùi jơnau kờñ gơ gơs là lơgar bơtàu tơnguh, priă lơh geh uă tàm nam 2045. Thủ tướng hòi jà sơlơ bơcri tai tàm broă kơlôi sơnơng jak chài dà lềng, tàm jàu măi mok, tam pà jơnau tơnggit mờ mờng chài, hòi jà geh cồng nha ală bơta tă pơgồp priă jền nàng bơtàu tơnguh lơh sa dà lềng kơ̆ kơljap jŏ jòng sùm, ring bal, gơ glòm jơh mờ tàm pơgồp bal nền nòn mờ sền gàr tiah kis dà lềng dờng.