Tổng Ƀí thư ồng Tô Lâm còp kâp dà lơgar tus lơgar Belarus
Thứ hai, 13:29, 12/05/2025
Cau mblàng: K'Duẩn/VOV
Cau mblàng: K'Duẩn/VOV
VOV4.K'Ho- Mho òr (11/05), jat jơ tiah do, Tổng Ƀí thư ồng Tô Lâm mờ Pơ ùr bal mờ Mpồl kwang bàng kâp dờng lơgar he neh tus ƀlàng rơndeh par ală lơgar Minsk, sơn đờm ală broă lơh tàm dơ̆ lòt còp kâp dà lơgar tus lơgar Belarus jat jơnau jà bơh Kwang atbồ lơgar do ồng Alexander Lukashenkho dê.
Do là dơ̆ lòt còp lơgar Belarus sơn rờp bơh Tổng Ƀí thư Đảng Kộng sản Việt Nam dê tơnơ̆ 11 nam. Rlau 30 nam do, Việt Nam mờ Belarus neh bơt bơtàu mờ bơtàu tơnguh bơta git gơp lơh bơyô ờs mờng mờ lơh broă bal niam bơnĕ bơh bơta pin dờn, ring bal mờ ki ngàm bal mờ gơp tài bơta kuơ bơh làng bol 2 lơgar dê, lơh gơlik bơnàng jă ai bơta lơh broă bal jơh nùs mờ niam rlau tai tàm tơl broă.
Dơ̆ lòt còp bơh Tổng Ƀí thư dê dơ̆ do rơp pơgồp bơnah lơh gơlik bơta pràn chồl tơnguh ai bơta git gơp lơh bơyô ờs mờng mờ lơh broă bal uă gah đah Việt Nam mờ Belarus bơtàu tơnguh ngan ngồn, ngui bơta ƀuơn bơh jơh bal 2 lơgar dê nàng cèng wơl ală cồng nha lơh broă bal ngan ngồn rlau tai tàm tơngai tus.
Viết bình luận