Tàm dơ̆ lơh broă, Tổng Ƀí thư ồng Tô Lâm đơs sùm, dơ̆ lơh broă mờ Mpồl Lơh kơnòl broă sùm 2 càr Gia Lai mờ Bình Định là bơta tàm pơr dờn ală jơnau sồr lơh sùm nàng pờ geh dùl tŭ tơngai bơtàu tơnguh pa ai jơh bal 2 càr in, is ồn tàm tơngai rcang tơmut bal 2 càr Gia Lai mờ Bình Định gơ gơs dùl mpồl lơh broă sră nggal gơnoar atbồ- lơh sa pràn, pa ngan mờ geh cồng nha rlau tai.

Tơnơ̆ tŭ sơñio loh ală bơta ƀuơn, bơta pràn pơn rơ ngan bơh 2 tiah dê, Tổng Ƀí thư kơ̆p kờñ, ală kấp ủy, gơnoar atbồ, ală anih lơh broă cíñ trị mờ mpồl kwang bàng 2 tiah pal gĭt wă tơl làm mờ lơh jat uă ngan rlau jơh bơta ndrờm bal mờ dong kờl bal broă lơh kwơ màng đah Gia Lai mờ Bình Định, sền hơ̆ là bơnàng jă kwơ màng ai broă lơh geh bơta sền sơnơng bơtàu tơnguh càr dê tơnơ̆ tơmŭt bal.