Dăk Lăk lam lơh dồ ròt bal broă lơh gơnoar atbồ 2 kấp
Thứ năm, 06:00, 03/07/2025 Cau mblàng K’Hạnh/VOV Cau mblàng K’Hạnh/VOV
VOV4.K'Ho- Jơh ală 102 sàh, sơnah ƀòn tàm càr Dăk Lăk neh jơh nùs ngui măi mok, lơh pràn tam gơl sồ tàm broă bơsong sră pơ àr gơnoar atbồ.

Bơh ngai 1/07, bal mờ jơh gùt lơgar, càr Dăk Lăk ngan ngồn mut lơh broă sră pơ àr gơnoar atbồ ƀòn lơgar 2 kấp. Jơh ală 102 sàh, sơnah ƀòn tàm càr Dăk Lăk neh jơh nùs ngui măi mok, lơh pràn tam gơl sồ tàm broă bơsong sră pơ àr gơnoar atbồ. Làng bol tus Anih tờm sră pơ àr gơnoar atbồ Dà lơgar sàh, sơnah ƀòn uă ngan nàng lơh ală sră pơ àr kwơ màng bè: yal ală bơta rài kis, lơh sră ai kòn pa deh, sră yal cau chơ̆t, sră kham kòp, sră sền gĭt tiah ơm kis, sră pơ àr ù tiah, sră mut bơsram...

Ală kwang bàng, kông cứk tàm anih tờm neh rcang lài tus bal, lơh kwèng mờ ală phần mền ngui bal jơh gùt càr dê. Is ồn, Viễn thông Dăk Lăk neh ai ală cau chài phần mềm mờ cau chài lơh broă tus tơn dong kờl lơh jat ală broă lơh drơng broă Dà lơgar. Ală lơh ngan dồ ròt bal do pơgồp bơnah lơh geh ală bơta ƀuơn uă ngan ai làng bol in tŭ tus bơsong sră pơ àr gơnoar atbồ.

Cau mblàng K’Hạnh/VOV

Viết bình luận

TIN CÙNG CHUYÊN MỤC