Dơ̆ bơyai lơh tơnkah 110 nam ngai deh Tổng Ƀí thư ƀồc ồng Nguyễn Văn Linh
Thứ tư, 10:46, 02/07/2025 Cau mblàng: K'Duẩn/VOV Cau mblàng: K'Duẩn/VOV
VOV4.K'Ho- Drim òr (01/07), Tỉñ ủy, Mpồl duh broă làng bol, Anih duh broă làng bol, Anih duh broă Mặt trận dà lơgar Việt Nam càr Hưng Yên yŭ rơyùm bơyai lơh tơngkah 110 nam ngai deh Tổng Ƀí thư ƀồc ồng Nguyễn Văn Linh (901/7/1915 – 01/7/2025) – dùl nă cau kộng sản kơ̆ dơn, dùl nă kwang đơng lam bồ jak chài, đơng lam broă lơh tam gơl pa dà lơgar.

Đơs tàm dơ̆ bơyai lơh, Tổng Ƀí thư ồng Tô Lâm đơs nền, tàm gơnoar broă Tổng Ƀí thư bơh Đảng dê, ƀồc ồng Nguyễn Văn Linh neh bơceh lơh ală jơnau lơh nền tam gơl pa pràn ngan, tă bơsong ală kòl yan bè gùng dà, broă lơh, tơrmù ƀà bơta kơn jơ̆ cau lơh broă, rề ơnàng gơnoar lơh tờm is ai kâp hơ đơm in, lam lơh tơrlòng lài mờ tơnơ̆ hơ̆ gàr kơ̆ ală mpồl lơh sa bơdìh dà lơgar, bơt bơtàu gùng dà broă lơh drà kă bro geh bơta atbồ bơh dà lơgar dê, rề ơnàng lơh broă mờ lơgar ndai, rơcang lài mut gơ rờm bal mờ ală lơgar.

Đơs sùm, tàm tŭ tơngai jơh gùt jơi bơtiàn gam pơgồp bal bơta pràn, dùl nùs bal lơh ngan lơh jat geh cồng nha Jơnau lơh nền tàm pơrjum dờng dơ̆ XIII bơh Đảng dê, gùt lơgar sơn đờm lơh broă broă lơh mpồl lơh broă sră pơ àr gơnoar atbồ 2 kâp mờ ù tiah bơtàu tơnguh pa, Tổng Ƀí thư ồng Tô Lâm sồr mờ kơp kờñ jơh gùt anih lơh broă cíñ trị pal sơlơ pơn jat tai đòm jat nùs nhơm ƀồc ồng Nguyễn Văn Linh – hơ̆ là nùs nhơm tam gơl pa, kràñ cê, kơ̆ dơn, jak chài, rềp làng bol mờ dòn song, kơ̆ nùs jat gùng dà bơtàu tơnguh lơh sa drà kă bro jat gùng dà sàh hội củ nghĩa, mơya kung ngac ngar, gơ dờp mhar mờ ală bơta tam gơl pa măi mok, priă jền tơlir, tam gơl sồ, lơh sa sồ, lơh sa tàm pơ dar; pơn jat tai lam dà lơgar mut gơ rờm bal jrô onàng rlau tai mờ rài cíñ trị dunia, rài lơh sa ală lơgar mờ rài gơguh jak kòn bơnus dunia dê, nàng ndrờm bal mờ ală lơgar dờng pràn làm gùt dunia.

Cau mblàng: K'Duẩn/VOV

Viết bình luận

TIN CÙNG CHUYÊN MỤC