Tổng Ƀí thư đơs niam nùs nhơm lơh broă nền nòn, jơh nùs bơh ală cau ala măt mờ jờng rơ ală cồng nha lài ngan neh lơh geh tàm broă lơh jăt broă tam gơl sồ tàm tơngai do; đơs tờm do là broă pơgồp bal bơh nùs nhơm kơ̆p kờñ lơh broă bơh gùt mpồl lơh broă cíñ trị, làng bol mờ mpồl lơh sa kă bro.

Tơngai tus, Tổng Ƀí thư sồr pal tơrgùm lơh ja8t 8 kơnòl broă tờm, tơnguh uă gơnoar cau lam bồ, tơnguh kơnòl, lơh ngan cíñ trị mờ ngui măi mok, zữ liệu nàng atbồ geh cồng nha, tàm hơ̆ uă ngan là tàm bơta gơnoar atbồ bàr kấp. Mờ Tổng Ƀí thư sồr Mpồl Mblàng yal bơto bơtê mờ Hòi jà làng bol Dà lơgar lơh pràn broă mblàng yal bè tam gơl pa bơceh lơh, tàm hơ̆ uă ngan là gùng dà broă lơh dờp bal bơta rềs àr nàng tơnguh nùs nhơm pin dờn mpồl bơtiàn mờ mpồl lơh sa kă bro tàm gah jak chài măi mok.