
Bơh ngai 01 nhai 7, jơh 135 anih tờm lơh sră pơ-àr gơnoar atbồ kấp sàh, sơnah ƀòn tàm càr Gia Lai (pa) mùl màl mŭt lơh broă. Do là broă lơh ndrờm bal broă tơrlòng lơh gơnoar atbồ ƀòn lơgar bàr kấp, wèt tus lơh niam sră nggal drơng làng bol in jăk chài, geh cồng nha.

Ală sờh, gah lơh broă tàm càr Gia Lai neh ai kwang bàng lơh jăt kơnòl broă tờm tus dong kờl lơh sră nggal ù tiah tàm jơh ală sàh, sơnah ƀòn bơh ngai 02 nhai 7 tus ngai 30 nhai 8. Kwang bàng rơ̆p tus bal tơn lơh broă tàm anih lơh broă, nàng bơto kông cứk mờ làng bol lơh sră nggal di mờ jơnau geh ai, mờ mblàng jăt jơnau tàm adăt boh lam pa. Càr kung ngui măi mok nàng jăt sền tơl ală bơta broă lơh sră ngal tàm sàh. Lài mờ hơ̆, bơh ngai 20 tus ngai 25 nhai 6, jơh 135 anih tờm lơh broă sră pơ-àr gơnoar atbồ neh lơh broă tơrlòng lài. Cồng nha tơrlòng pà gŏ phan lơh broă lơh niam, bơsong git nđờ rơhiang pang sră mờ ờ gơtìp gơlik geh gơkòl ha là lơyài lơi.
Viết bình luận