Ala măt Mpồl duh broă, Củ tịc lơgar ồng Lương Cường sồr Mpồl duh broă Sền gàr Dà lơgar mờ Lơngăp lơngai tơrgùm lơh jăt geh cồng nha Jơnau lơh nền tàm Pơrjum Dà lơgar 8 khoă XIII bè broă sền gàr Dà lơgar jŏ jòng tàm bơta pa, di pal mờ jơnau kờñ sền gàr kơl jăp lơngăp lơngai is, gơnoar tờm ù tiah, ring bal, tơl làm ù tiah Dà lơgar, gàr niam lơngăp lơngai dà lơgar, sền gàr rơndăp tăp sèng, niam lơngăp lơngai mpồl bơtiàn, lơh pràn mŭt gơrờm bal mờ ală lơgar tơl ală bơta, jrô ơnàng, geh cồng nha.

Củ tịc lơgar ồng Lương Cường đơs sùm, tàm tơngai tus, pal pơn jăt tai lơh jăt, jăt sền, rơcang lài git nền, kơlôi sơnơng, mblàng sền, sền wơl, yal lài di bơta gơlik geh tàm dunia, tàm tiah do, tàm lơgar, tàm hơ̆ uă ngan là ală bơta gơlik geh, gơcèng bơta jŏ jòng gơrềng tus sền gàr dà lơgar, lơngăp lơngai, lơh broă mờ lơgar ndai lơgar Việt Nam dê nàng di tŭ tă pơgồp jơnau đơs dan mờ Đảng, Dà lơgar ală gùng dà, broă lơh bơsong, bañ lời gơtìp rơmơ̆p ndơl, ni sơna tàm ală bơta gơlik geh.