Ồng Trần Mạnh Toàn geh tơn pồ at gơnoar broă Kwang lam bồ, ală ồng, mò Tạ Đức Hậu, Phan Ngọc Luận, Đỗ Thị Hằng mờ Đàm Thị Thanh Quế at gơnoar broă Phó Kwang lam bồ. Sền gàr rềs àr mpồ bơtiàn tiah XXVI ngan ngồn lơh broă bơh ngai 01/6/2025 mờ 1 nă kwang lam bồ, 4 nă phó kwang lam bồ, 8 cơldŭ lơh broă mờng chài mờ 22 Sền gàr rềs àr mpồ bơtiàn kâp hơ đơm, geh hìu lơh broă tàm ƀòn dờng Buôn Ma Thuột.

Phó Kwang lam bồ dờng Sền gàr rềs àr mpồ bơtiàn Việt Nam ồng Trần Đình Liệu sồr mpồl do mhar gàr kơ̆ rơndap broă, di mờ bơta geh ngan tàm ƀòn lơgar, tă pơgồp jơnau đơs di tŭ nàng gàr sùm broă lơh, ờ lời gơtìp ơm ing kơnòl broă. Tàm hơ̆ geh broă gàr sùm ală jơnau lơh nền tàm pơrjum dong kờl ală cau blơi  jat bơta kờñ is mờ sră kham sơm kòp ờ sa priă, gàr niam gơnoar kuơ, ờ lời gơtìp koh gơl.