Tổng Ƀí thư jờng rơ pe càr neh lơh geh cồng nha niam ngan bè lơh sa- mpồl bơtiàn, ngan là khà gơguh lơh sa kơ̆ kơl jăp tàm nam 2024 mờ bồ nam 2025. Tổng Ƀí thư đơs sùm, broă tơmŭt bal pe càr là tŭ niam nàng tam gơl bơh broă lơh tơrlòng lài bơtàu tơnguh rah rài kis tus pơgồp bal đơng lam tiah, nàng kờñ gơhòi gơ jà jŏ jòng, bơtàu tơngguh phan bơna lơh bal, lơh sa tơlir mờ tam gơl sồ.

Ồng sồr pe càr tơrgùm kờp sền nền wơl broă lơh jăt ală broă jàu Pơrjum dờng Đảng tơngai lơh broă bơh nam 2020- 2025, di tŭ geh broă lơh bơsong ai ală broă jàu kal ke lơh geh in, mơkung geh broă rơndăp lơh bơtàu tơngguh tơnơ̆ tơmŭt bal, wèt tus lơh gơs tiah tờm gơguh pa geh bơta pràn jak tàm pơrlòng dà lơgar, bơtàu tơngguh tơlir, ngăc ngar, uă tiah tờm mờ mŭt gơrờm bal mờ ală lơgar.