Củ tịc lơgar jờng rơ ABAC dơ̆ 3 là tŭ kuơmàng nàng ală mpồl lơh sa kă bro tă pơgồp jơnau pơlam ai Pơrjum kwang bàng kâp dờng APEC nam 2025 tàm lơgar Hàn Quôk in. Củ tịc lơgar pin dờn, Việt Nam rơp jơh nùs tă pơgồp tàm tơngume pơrjum, chồl tơnguh gơguh lơh sa, bơtàu tơnguh kơ̆ kơljap jŏ jòng sùm mờ bơt bơtàu tơnơ̆ do lơh sa pờ, gơ glòm jơh ai tiah câu Á – Thái Bình Dương in.

Jờng rơ ală rơndap broă bơcri priă bơh Tập đoàn Hyosung dê tàm lơgar Việt Nam, Củ tịc lơgar đơs nền, Việt Nam sùm kờñ dờp ală cau bơcri priă măi mok pa, tam gơl pa bơceh lơh. Củ tịc lơgar sồr ồng Hyun Sang Cho pơn jat tai lơh rbàng tơrbŏ chồl tơnguh lơh broă bal đah mpồl lơh sa kă bro Việt Nam mờ ală lơgar lơh broă bal tàm tiah do, tă pơgồp tàm bơta git gơp lơh broă bal lơh sa 2 gah mờ uă gah.