Mờ tơngume “Dùl ết Lâm Đồng tàm Hà Nội”, Ngai Niam chài geh 7 broă lơh li la uă ngan: geh bơyai lơh tàm tơrbŏ bal Niam chài- Lòt nhơl- Kă bro phan càr Lâm Đồng; Sơnđờm mut lơh pơgồp bal mờ bơyai lơh đơs crih tamya; Ràng tơlik yal tơngĭt niam chài lòt nhơl, phan lời wơl mòn lơh rơndăp ù tiah, phan bơna OCOP, broă lơh sa suơn sre; Ràng tơlik Rơndăp ù tiah càr Lâm Đông – Dà Làc; Ù tiah yal tơnggĭt uă, ràng tơlik, yal tơngĭt bơta niam bơnĕ ngan niam chài bơh ƀòn lơgar dê; Ù tiah cè mờ ràng tơlik ală phan bơna cè.

Do là broă lơh kwơ màng nàng kờñ yal tơngĭt mờ yal uă ală bơta niam mùl gŏ ngan bè niam chài, kòn bơnus mờ lòt nhơl Dà Làc - Lâm Đồng dê. Broă lơh cèng tus ai năc lòt nhơl tàm lơgar, ală lơgar mờ làng bol càr lơgar Hà Nội in tŭ tơngai niam sền gĭt bơta ƀuơn, bơta pràn bal mờ ală phan bơna krơi ngan bơh ù tiah kơh bơnơm dê.